Chip123 科技應用創新平台

標題: 實戰理論：大鱷搵食靠沽空做嘢 [打印本頁]

作者: curtiscries 時間: 2011-11-7 09:18 PM
標題: 實戰理論：大鱷搵食靠沽空做嘢
實戰理論：大鱷搵食靠沽空做嘢
過去一周大市雖然頗為波動，但在走勢上已一再回試 19000點支持位，相信此關口應已可守得住。上周五晚外圍方面雖然仍有震盪，但美股尚算平穩，道指跌幅亦收窄到 61點，從當日最低位反彈了百多點。
現時的局勢很簡單， 8至 9月的跌市已將壞消息反映，兼且跌幅太大，再下跌空間有限，空軍亦要趁低補倉，自然會發覺大市對壞消息無反應，對好消息反應敏感。其實這正是早前跌市的翻版，只是倒轉造而已。
至於歐債的問題仍未解決？其實很簡單啫，最重要是看現時股市處於甚麼水平而已。由 2009年初至今，此問題有解決過嗎？但為甚麼大市會從 11000點升上 23000點？去年 4至 6月都炒過此危機，為何大市又會從 18000點升上 25000點？今次又炒完落去，點解又不可以炒番上 21000至 22000點呢？

高官照舊話冇證據

同一手法，同一藉口，同一劇情，只要港股在現時的衍生工具制度及監管程序下，要點樣都得。早前一些高官及港交所（ 388）管理層指出，冇證據顯示沽空制度跟大戶操控市場有關。其實這種法律上的官腔只是官僚主義地反映，因為冇證據，所以大條道理話之你。但事實是否真的一如此等官員所講呢？心照吧！ 1998年 8月，當年的曾司長，聯同金管局入市買貨，原因在於大鱷以沽空來操控市場，但當時有證據嗎？有證據就拉人封艇啦！今時今日話冇證據顯示沽空制度與做市有關，即是說當年港府入市的做法是錯誤的。
其實要做對冲，單單有期指、期權等已足夠，沒有了沽空制度，大鱷又如何將股市壓到去極度低價去平淡倉？股市要跌，有冇沽空都會跌，但有沽空與冇沽空的分別，在於跌到甚麼水平才跌不下去，這一點分別就很大。
沈振盈
證監會持牌人士

歡迎光臨 Chip123 科技應用創新平台 (http://chip123.com/)